Аз жаргалын эрэлд

Үнсэлтээ би чамд хадгалъя

Үнэтэй хэвээр нь чамд үлдээе

Тэврэлтээ би чамд хадгалъя

Тэндээс ирэхэд чинь дулаан байлгая

     Үгээгүй ядуухан уруулаа би

     Үгээр баян сэтгэлтэйгээ

     Хүлээж ядсан бодолтойгоо

     Хүрээд ирэхэд чинь чамайг тосъё

Зүггүй салхи шиг сэтгэлээ би

Зөөлөн дулаан үгтэйгээ

Зориулж амталсан хоолтойгоо

Зориод ирэхэд чинь чамайг угтъя

     Таньж ядсан итгэлээ би

     Тэр хэвээр нь чамд өгье

     Танхил гэнэн сэтгэлээ

     Тэр чигээр нь чамд өгье