Аз жаргалын эрэлд

Дурлалын амтыг би мартжээ

Дуулсан сэтгэлийн минь хөг хаачаа вэ

Анхалж дурласан тэр л насандаа

Амраг сэтгэлээ би орхисон гэжүү

   Урдаас ширтэх сайхан харц

   Уран цэцэн үгнээс илүү

   Үнэн сэтгэлд би дурладаг болоо юу

   Үгээ дотроо хадгалдаг ч болсиймуу

Хайрын балыг амтлахаа больжээ

Халуун итгэл минь хаачаа вэ

Хорьж дийлдэггүй гэнэн сэтгэл минь

Хорин насандаа үлдсэн гэжүү

   Дурлалд би яарахаа больжээ

   Дуулгаваргүй сэтгэл минь хаачаа вэ

   Хатуужиж би ухаарсан ч юмуу

   Хайрын үнэ цэнийг мэдэрсэн ч юмуу

Гомдож цөхөрсөн бараан үеүд

Ганц л үлдэг гэж бодсон юмуу

Зүүдэндээ ч ганцаардсан мөчүүд минь

Зөвхөн тэндээ үлдэг гэж санасан ч юмуу..